Iċ-Ċensiment tal-2021 huwa l-ewwel Ċensiment onlajn f’Malta u se jippermetti lill-individwi kollha jwieġbu permezz ta’ portal onlajn sigur. L-Uffiċċju Nazzjonali tal-Istatistika ser iniedi l-kwestjonarju taċ-Ċensiment online fl-1 ta’ Ottubru. Fl-eventwalità li l-parteċipazzjoni permezz tal-formola onlajn mhix possibbli, l-NSO se jkun ukoll qed jiġbor it-tweġibiet permezz ta’ enumeraturi maħtura li se jżuru l-abitazzjonijiet f’Novembru 2021.

L-abitazzjonijiet kollha jirċievu ittra uffiċjali tal-NSO bil-kredenzjali (username u password) u l-informazzjoni tal-login meħtieġa biex ikollhom aċċess għall-formola taċ-Ċensiment online. Wieħed ikun jista’ jaċċessa l-kwestjonarju online minn census2021.gov.mt.