X'inhu ċ-ċensiment?
Iċ-Ċensiment tal-Popolazzjoni u tad-Djar (Ċensiment, fil-qosor) huwa miżura uffiċjali ta' persuni u abitazzjonijiet f'Malta u Għawdex, meħuda f'punt speċifiku fiż-żmien. Huwa eżerċizzju mall-pajjiż kollu li jsir kull għaxar snin u huwa rregolat mil-liġijiet nazzjonali u tal-UE.
Għaliex huwa importanti?
Iċ-ċensiment għandu valur kbir kemm fuq livell nazzjonali kif ukoll internazzjonali. Fuq livell nazzjonali, iċ-ċensiment jipprovdi informazzjoni preċiża dwar il-popolazzjoni residenti, l-akkomodazzjoni u l-karatteristiċi tad-djar tagħhom. Internazzjonalment, il-ġbir ta' data armonizzata madwar l-Unjoni Ewropea tippermetti paragun bejn l-Istati Membri.
Privatezza u sigurtà tad-data
Bil-liġi, l-informazzjoni tiegħek hija kunfidenzjali. L-Uffiċċju Nazzjonali tal-Istatistika (NSO) jiġbor data għal skopijiet statistiċi biss u ma jistax jaqsam jew jippubblika xi informazzjoni identifikabbli lill- partijiet terzi. L-NSO se japplika l-proċessi ta' kunfidenzjalità u anonimizzazzjoni meħtieġa biex jiżgura dan.
Ċensiment tal-2021
Għal aktar informazzjoni dwar il-kontenut tal-kwestjonarju taċ-Ċensiment tal-Popolazzjoni u tad-Djar tal-2021, tista' tniżżel il-verżjoni tal-ktejjeb hawn taħt.
Ara l-edizzjoni tal-2021
Parteċipazzjoni fiċ-Ċensiment 2021
Iċ-Ċensiment tal-Popolazzjoni u tad-Djar huwa miżura uffiċjali ta’ persuni u abitazzjonijiet f’Malta u Għawdex, meħuda f’punt speċifiku fiż-żmien. Huwa eżerċizzju mal-pajjiż kollu li jsir kull għaxar snin. Sabiex issir taf aktar dwar il-metodi varji ta’ parteċipazzjoni u l-kriterji ta’ eliġibilità iċċekkja l-paġna PARTEĊIPAZZJONI. Din il-paġna tiddeskrivi numru ta’ mistoqsijiet frekwenti dwar iċ-ċensiment inkluż kif tipparteċipa, liema informazzjoni hija meħtieġa u kif se tkun protetta.
L-Aħħar Aħbarijiet
11 Oct 2021
Laqgħat ta’ tagħrif u taħriġ
Fis- 27 ta’ Settembru bdew il- laqgħat ta’ tagħrif u taħriġ għal dawk li se jkollhom rwoli ta’ Maniġers tad-Distretti, Supervisors, u Enumeraturi. Dawn il-laqgħat se jibqgħu għaddejjin sal- 15 … Aqra iktar
18 Sep 2021
Id- Direttur Ġenerali intervistat minn TVM dwar iċ- Ċensiment tal-Popolazzjoni u tad-Djar 2021
Id-Direttur Ġenerali, Etienne Caruana, fil-kapaċità tiegħu bħala Uffiċjal taċ-Ċensiment, ġie intervistat minn TVM dwar iċ-Ċensiment tal-Popolazzjoni u tad-Djar li ġej. L-artiklu u l-filmat li jakkumpanjah huma disponibbli fuq il-websajt ta’ … Aqra iktar
